ابڙو اڪيڊمي Abro Academy
2020-07-09
داخلا نمبر 484
عنوان عقاب ڪَڪُو، پرمار
شاخ پکي
پڙهيو ويو 326
داخلا جو حوالو:
ڪَڪو عقاب (پرمار)Tawny Eagle / Aquila rapax /
ڪَڪو عقاب (پرمار)Tawny Eagle / Aquila rapax /
ڪَڪو عقاب (پرمار)Tawny Eagle / Aquila rapax /
عقاب ڪَڪُو، پرمار
70 سينٽي ميٽر جسامت واري هن جنس جا نر ماد هڪجهڙا هوندا آهن. البت مادي قد بت ۾ وڏي ٿئي ٿي. انھن جا رنگ بدلجندا آهن، ڄنگهون مڪمل طور کنڀن سان ڍڪيل ٿين ٿيون. پڇ گول ۽ ڪارو ھوندو اٿس. ويٺل حالت ۾ ان جا پَر پُڇ جي چوٽيءَ سان لڳندا آهن. رنگ جو اڇو هوندو آهي پر پرن تي هلڪا ناسي چٽا ۽ پرن جا هيٺيان کنڀ ۽ پُڇ ڪارو ٿئيس ٿو. ٻَچٽ جي پڇ جو مٿيون اڌ اڇو ۽ هيٺيون ڪارو ٿئي ٿو. هي به پرمار نسل جو عقاب آهي، اتر ۽ مرڪزي اپکنڊ ۾ عام آهي. قد بت جو ڳرو ۽ بلوغت وقت سڄو گهرو ناسي ٿئي ٿو. اڪثر ڪنهن ٻوڙي يا وڻ ۾ نظر ايندو آهي. پرواز سهڻي اٿس. وڏن دائرن ۾ لامارا پيو ڏيندو آهي. جيتوڻيڪ ان جو کاڄ اڪثر ڪري مئل جانور جو سڙيل گوشت ھوندو آهي، اهو ننڍڙن مماليائن ۽ پکين جو شڪار ڪندو آهي ۽ ٻين پکين کان شڪار ڇني ويندو آهي. ھي ماحول : 3 جو پکي آھي.